對事不對人

唔知從幾時開始, 呢個概念成為左我做事既原則, 覺得凡事都以此原則做依歸, 就可以做到公平, 公正~

呢o的諗法, 唔多唔少同我大學時修計算機科學 (computer science) 有關, 所有野都講求客觀, 精確, 思考問題時唔會加入主觀情感, 要將問題收窄至一個可以用客觀方法定義既範圍~ 就係咁樣, 我既行事作風變得客觀, 不偏不倚, 而且理性 (起碼我自己係咁認為).

就係因為十分 "對事", 我 "對人" 既方面就顯得力不從心, 原來諗深一層, 我對身邊既人既了解, 好似有o的唔足夠, 實際上大家諗緊咩, 我就好似唔明白, 有o的跟唔上. 講真, 真係有o的驚我會慢慢變成一個自閉既人~

不過點都好, 我覺得自己開始對自己既性格了解多左, 都係好事黎~