Division A 的第一課:專注力

今日係oosh 升上division A 之後打既第一場波, 對手好強, 有好多值得學習既地方, 例如佢地既快速走位加tip pass, 真係唔識守, 仲要射波十分準繩, 穩定性高, 真係有強者風範.

雖然輸唔少, 成16分, 但係正如李寶話, 真係覺得幾好玩, 唔只係覺得呢場好玩, 仲覺得之後場場都咁好玩, o係呢o的高水準既比賽入面, 有時真係打到抖氣都抖唔砌, o固種迫力難以言喻, 稍一放鬆, 就俾對手得分既機會, 係一種以前比賽冇既感覺. 置身o係高手如雲既division A , 以後每場都會係咁, 我地對自己同球隊既要求都要大大提高, 先可以應付今季既比賽.

今日自己o係個人方面都有幾大既得著, 我係比賽入面領略到"專注" 既重要性, 原來做一件事專注與否, 分別可以好大, 好似今日o係場上面既投籃, 第一至第三節入面, 我投球多次, 只中一球立定既三分球, 反之第四節既命中率就高好多, 起碼六七成, 我自己感覺到我第四節投射時係專注得多, 每一球都好認真, 用盡所有力量去投, 我問自己點解第四節會專注o的, 我都唔可以肯定咁答到點解, 有可能係覺得球賽頭段要留力, 又或者我第四節覺得真係落後太多, 激發起鬥志, 又可能係大家配合得好左, 做就我既機會... 其實冇答案, 總之我覺得只要做到專心, 盡力, 心無雜念, 咁投球命中率就可以提高.

其實都係說易行難, 比賽入面有不同既壓力, 訊息, 思考, 又有幾可可以做到專心一致, 其實做幾他事都係一樣, 要做到最好, 就要專心一致, 不受外界各樣事物影響, 不過事實上就唔係咁易做到喇~

加油啦!!