Getogeto!! 等左咁耐~ 佢終於出現喇~~

早排好多朋友都唔知我做緊咩, 又會問我唔番工係咪唔駛做 :p... 好多時我都唔知點答, 只可以話做緊website, 跟住我都唔知點講details.. 宜家唔駛答啦, 直頭俾你地睇, 俾你地用喇~

唔好話o的friend, 連我自己都等左呢刻好耐, 經過我同partner 連番努力, 我地既作品終於以beta version 既狀態同大家見面喇~~ 登登登鄧~~~ 佢就係

Getogeto - Let's get together

等我o係度介紹下呢個其實係咩黎啦, 個concept 最主要圍繞兩樣野:

1) 聚會 (Gathering)
2) 維繫友誼

有一點我想最怕大家誤會既就係好多時o的人會問我係咪friendster o固類既東西, 其實係完成相反架, 我地既目的唔係俾大家上網識新朋友, 反而係想做到呢個website 可以幫大家同自己既好友們維繫得更好, 要做到咁, 就當然唔少得有聚會啦, 所以聚會就係我地既重點喇~ 如果想識新朋友既, 真係要揾friendster 幫幫手喇~~

現階段係試用期(beta), 有基本既功能, 可以約聚會, 投票, 分享相片(*當然功能跟flickr/webshot 有很大差距...), 討論區, 當中最想大家感受既就係約聚會既功能, 尤其針對多人(5人以上)既聚會, 方便大家溝通以達至聚會順利進行既目的. 另外亦可將大家既聚會細節留一個紀錄, 久而久之, 一班朋友既過往既開心時光就得以累積起來, 日後可以慢慢回味.

廢話唔講咁多, 有興趣既朋友可以click 入去睇睇, 覺得ok 既, 更可以登記一個帳戶玩玩, 再覺得好既, 就不妨為自己同朋友開一兩個GROUP(群組), 請他們加入, 一起開始累積開心時光. haha , 我好hardsell 呢~~ :p 更甚者, 想加入成為beta user, 一齊參與getogeto 既發展既, 可以留個send 個email 俾我 (wlhong@gmail.com) , 我會invite 你去beta users group , o固度可以對getogeto 提出一o的意見, 幫助日後既發展~