Notes from Kaifu Lee's talk

今日去左聽kaifu lee 既講座, 獲益良多, 聽佢個人事業上既經歷, 覺得有好多經驗都可以套用o係自己既身上, 以下既重點要好好記住:

- 對於面對既問題, 可以分為3 circle, 最外圈係自己"無能為力" 既事, 可以不理, 即使係自己好唔想見到既事, 既然自己改變唔到, 就唔好理佢; 中間個圈係自己能"間接影響"既事, 最入係自己能"直接影響"既事; 我地面對問題, 應該從最入圈入手, 所謂盡力, 其實係盡能力去影響件事去到自己心目中想達成既效果/目的, 所以最外圈就唔好花時間去諗/搞, 要花時間就花係點做最內圈既問題上, 或諗點樣利用"間接影響"圈入面既事去擴大"直接影響" 既圈. 成個理念好make sense, 佢果然係一個tech 人, 好符合邏輯既做事方式, 我其實一直都會咁諗野, 但係佢講一講好似成個flow 好清楚, 通晒咁!!

- 做一o的關鍵決定時, 可以做 "pros and cons analysis" , 表列好與壞 (*我想試下做呢個.. 不過我好似已經做左決定喇bor....), 睇睇o的好處係咪自己想要既, o的唔好野係唔係自己能夠接受~

- 如果你覺得件事 40% ~ 70% 會成功, 咁就去馬啦!! 可能會失敗, 但係等既代價仲大!! (呢點對我好大impact)

- 諗下個決定會帶黎既最差情況係點, 問自己係咪受得到~ (*成日都問...但係日日既答案都唔同)


聽完個talk, 心情有o的激動~
雖佢對我既反應有o的令我不滿, 但係我都明白o係佢眼中, 我呢o的咁既小角色都係發下夢架je, 所以我唔會唔開心, 不過我會好好記住呢句話:

"I've never seen a Hong Kong internet company can spread to China" he said,

I 'd like to reply him, "Lookout, I'll be the 1st one",

although actually i didn't do that at that moment, lol :P

時光倒流

今日係一個充滿懷念既日子~

晏晝同小學既三個死黨食飯, 人物一樣, 但係情景已經唔同晒, 談一下大家近況之餘, 當然少不免就會講番當年"四人幫" 點樣o係麗城花園一帶作反啦, 講番真係好開心, 又好懷念.. 踢波, 打機, 抽閃咭, 放紙"妖", "琴"鐵絲網, 打籃球, 做假閃咭呃錢~~ 哈, 真係好得意~ 可以o係十幾年之後既今日座番埋一齊食lunch, 真係好難得~ 一個o係canada 話可能stay 番香港, 另一個就要去US讀書(係stanford 讀Ph. D呀!!!) , 當然我地都為佢而好開心, 亦都對有呢個朋友感到好自豪, 但係咁即係代表我地又好難先會有機會四個人一齊喇~~

完左lunch, 做下野, 就出去同大學既friend 打波, 打完之後食飯, 當然又會講番住宿舍時候既趣事, 又係一種好想番去o固時既感覺, 覺得o固時好開心, 但已成過去, 心情怪怪~

番到屋企, o係desktop 見到細佬去camp 既紀念video, 睇左一下, 就諗起自己搞ocamp 既事, 係咁揾番晒大學時既野黎睇, 做大組長, 搞院慶, 上宿生會, 細O, 仲有行毅行者 , 一路睇一路都好想番去, 好想再同番呢一班人一齊生活, 一齊搞事, 但係又已經番唔到去lu...
又會覺得o固時好似唔係好珍惜當時既環境, 會諗如果宜家既我走番去, 可能o固o的事會更好, 更開心, 不過我當然知呢o的諗法好傻啦, 不過有時都要傻下既~

睇睇下仲睇埋中學既紀念冊, 睇到miss yu 寫俾我既野, 有o的想揾佢出黎食飯tim ~

仲見番o的好有記念價值既items, 好似呢個牌咁, 寫底左我既alevel 目標, 最後我都成功達標呢!!


仲有其他:




有o的咁有價值既回億, 真係要好多謝一大班好朋友~~ 講緊你, 你, 你, 你, ... 同妳呀~~ :p

經過一次咁既時光倒流, 就更加確認 oosh 呢個團體既重要性, 諗下如果冇oosh, 我地就會係一班得閒約出黎懷緬過去, 各自有各自生活既舊同學, 就唔會好似宜家咁, 可以一齊經歷唔同既事啦!!

第一次咁長氣, 終於講完喇, 多謝各位~