首都之旅- 連結

我既相薄: http://honglun12.ooshteam.net/beijing/
我地住既旅館(北京) : http://sleepyinn.cn/
我地住既客棧(山西平遙) : http://www.pyxyc.com/
我地揾料既網站: http://www.ctrip.com/

祖國首都(四)

第九日 (5 Jan 2006)

之前o固晚既火車越行越涷, 又冇咩訓過, 所以一到北京就飛的番旅店訓番一覺先~~
訓醒已經下晝, 決定去軍事博物館走一轉~
去到有兩個鐘時間, 以為一定夠, 點知只係夠行三份之一....
入面睇下o的戰機, 坦克, 大炮咁, 都幾好睇, 不過行完先發現, 仲有兩個館係關於戰爭歷史...即刻灰晒~~
晚餐去老舍茶館飲茶睇京劇, 雖然野食就一般, 但係最精彩既係"jump" 茶表演, 佢都有唔少招式, 而且招招都好蕭酒下, 馬步又穩健, 我諗佢一定係習武之人~~
不過原本係黎睇"霸王別姬", 點知只係別左幾分鐘, 之後就係o的綜藝表演, 大部份都係流到爆~~ 好彩最後有番個變面補番數~~
夜晚就去左間pub, 叫buddha, o係入面我地識左一隊自稱玩"遊牧"音樂既樂隊, 傾左幾句, 我就唔係好熟音樂既野, 叫做聽過多一種非主流既音樂, 見識見識, 都幾開心.

第十日(6 Jan 2006) - 旅程最後一天
最後一日, 其實就冇咩時間, 起身就要執行李, 搞掂晒o的野, 去左行下胡同區同區入面街市(四環市場), 食左o的地道包子同雲吞就要閃喇.
之後就番去拎行李, 同旅店既人講聱bye, 就跳上的士踏上歸途喇~~

祖國首都(三)

第六日(2 Jan 2006)

呢日起身去左一個叫798既地方, 以前係工廠區, 宜家集合數十藝廊既文化藝術區~
睇左幾個gallery, 我當然唔係好識睇啦, 只可以話有o的野都幾靚咁lor~
我特別有印象既係一間放舊相既gallery, 好似叫 "百年中國", 主要展出既都係一o的上個世紀既相, 當中"毛主席" 既就佔左場內展品既大多數.不過我最深刻都係一o的戰爭場面既影集~
晚餐就食過番尋味, 去番之前o固晚同一間"同利園", 四條友食左七個餸....飽到癲!!
食飽就去火車站踏上平遙之旅, 呢程係卧鋪, 當然係爽啦, 四條友都熟睡, 十一個鐘車程, 話咁快就到~


第七日(3 Jan 2006) @ 山西平遙古城

訓醒就差唔多到站, 落車拿拿聲買回程火車飛, 但係得番企位!!!!!!十一個鐘點企!?
我地當然冇理佢住, 又諗住問旅店有冇計啦~~
跟住就坐o的面包車入城, 入到城個感覺好好, 成街都係尖瓦頂磚屋, 仲要冇乜現代既修飾, 即刻覺得自己拍緊古裝片~~
一路去揀旅館, 間間都有好完整既四合院, 果然保存得好好, 結果揀左一間可以俾我地包起兩既正房既, 叫"西裕成" , $120 一晚, ok 咁啦~
食完個早餐+午餐就去左踩單車去下城外, 又遊下城內, 每一處我地黎講都好新奇~
去左一個鏢局博物館, 我本來都唔知究竟咩係鏢局, 睇左就知原來係黑社會既始祖, 佢地既服務係包括"睇場", 私人保鑣...等等.
天色慢慢變黑, 呢個時候, 我地期待已久既事黎喇!! 就係雪呀~~ 仲要越落越大, 好開心~~~
番到旅館, 就知道火車飛已經買到喇, 不過係硬座... 聽日就知味道!!!



第八日(4 Jan 2006) @ 山西平遙古城
起身出門口, 眼前既雪景實在令我太高興~所有野都鋪住一層寸幾兩寸厚既白雪, 係我第一次親身經歷既雪景~~
食完早餐就梗係速趕上城牆, 個景實在殺死人~~~係呢個情況下, 我地決定o係呢個城牆上面行大半個圈, 睇睇成個城唔同角度既景色, 一行就行左兩三粒鐘~~不過都係值得既~~
之後諗住包車去附近既雙林寺, 明明係六點收到, 我地五點到, o固條管理員竟然同我地講話天氣涷, 所以早o的收工, 叫我地第二日請早!!! 吹到啤晒~~~
跟住見到附近中學有班o靚仔o係度玩雪球, 諗住埋去八下, 點知冇耐就俾人圍攻~~~結果我就當然係中左招, 俾佢地o的雪球掟中啦~~~不過其實都幾好玩既^.^y
跟住係旅館呆左一段時間就去火車站, 天氣開始越黎越涷, 仲要座冇乜空調既硬座廂, 認真大獲, 不過最值就係見到祖國同胞門既睡姿大匯演啦~ 打橫, 打直, 橫跨走廊, 仲有o的係不能以文字型容~~總之就係各色其色啦~~~

祖國首都(二)

第四日 (31 Dec 2005)

冇錯, 我地就係去左司馬台長城~
條路比較轉折, 用左三個鐘度, 但係總算成功去到~ (旅舍 > 東直門車站 > 密云 > 司馬台)
腐敗地座左白痴吊車, 眼見當地人行上去都快過我地, 覺得好羞家... , 仲要成座吊車系統都係因我地而開...
上到長城,直係覺得好壯觀,最正係有小小雪, 馬上掏出相機, 狂射~~
行完一輪, 用滑索落山, 好玩~
又坐三個鐘車番北京, o係車站附近求其揾一間野打鍋~$20 一位, o的食物都唔差, 你話係咪抵先!!
番到旅舍開緊除夕 party, 吹水一番~
去左pub 飲野, 不過好貴~~


第五日(1 Jan 2006)

新既一年! (第一次新年o係外地過 ^.^y)
之前o固晚飲得夜, 所以訓得晏
起身佢地兩個(yo 同shum) 就包完餃子, 味道都唔錯, 狂食~~
食完去坐左地鐵同麵包車去西站
諗住買火車票去平遙, 但係工作人員話冇晒, o係呢個時候, 我地明白到祖國既鐵路系統精妙之處, 於事嘗試從旅舍提供既第三者訂票, 結果不出我們所料 --> 有貨!!! 仲要四張軟臥o係同一個包廂tim..., dead silent~~
去左雅秀市場(象羅湖A貨商場) , 見到門口仲以為好流, 點知入去行到唔肯走, 仲要有斬穫tim~~
去左"簋街", 又係撞彩地食到一間好野, 叫"同利園"~

寫住咁多先~~

祖國首都(一)

+北京+

拿拿聲記底十日以黎既行程先~~

第一天
抵達sleepyinn, 發現好义凍~~
去左"春來福"食晏, 係第一個重點發現
去行什剎海, 真係行上去o固隻, 當然水面係結左冰啦~
食"爆肚", 咪道ok, 仲試埋"羊霜霜", 呢個好唔掂, 直頭係聞到已經想嘔 +.+
實在太凍, 去左starbucks 抖一陣
打的去王府井, 行左好白痴既"老北京一條街", 好在食番"冰糖草莓"補番數 --> 正!!
晚餐o係東華門夜市搞掂~~

第二天
天安門加故宫
晚餐去左俾"東來順"昆..講完~

第三天
琉璃廠街, 見到戰時用既電話, 好得意~~
買左兩件野, 一件識噴尿, 另一件識扮雀仔叫
去左胡同裹的街市, 見到長今姐o係度賣餅~仲要幾好食tim~
一路行到唔知"大珊欄"定"大欄珊"不過冇咩特別~
之後晚餐又去o的出名既食店俾人昆, 呢次o固間叫 "便宜坊", 佢既優點係o的人夠串同埋唔便宜=.=b

第四天
..呢日就係遠征"司馬台" 之日, 唔寫住聽日再續...