電話攻擊

一如以往, 呢個sat又係俾o的唔想聽到既freelance客仔電話叫醒, 仲要係一個連click 條link download 個file 都唔識既粉腸...仲要係破紀錄地9:03 咁早, 真係要整佢個制! 大佬, 你見我06:xx 都仲send email 俾你,你就知我平時幾點訓啦, 唔該識做o的啦!!

雖知道我係一個好醒訓既人, 基本上醒左就好難訓番....個感覺真係灰..
有見及此, 我以後fri night可能會閂mobile 訓, 以避開呢班人既電話攻擊, 如果各方好友見我冇開機, 就請打我屋企電話啦, 你地有架喇~~

Cars the Movie - DREAMS COME TRUE

想講下"Cars" 呢套電影, 一套迪迪尼加彼思(PIXAR)呢對黃金組合泡製既新作,未上畫之前已經期待到不得了,由4月第一次O係CYBERPORT 見到海報就期待到七月十三日上畫, 火快咁揾左個WEEKEND 去睇, 果然冇令我失望, 成套戲既視覺, 聽覺效果都好好, 娛樂性豐富, 加上軟硬既配音為呢套美國電影添上本地化既幽默感, 主題仲要係車, 真係非常討我歡喜既一套電影~

其實大家可能唔明點解我咁大個人仲咁鐘意睇PIXAR既卡通片(*記住, 我唔係DISNEY既FANS, 我只係PIXAR既FANS JA, HOHO) , 其實PIXAR O係我心目中係一間專門泡製夢想既公司, O係佢地手上, 好多野都由不可能變成可能, 玩具可以起革命, BB仔可以有超能力, 車可以打噴嚏和談戀愛, 呢o的完完全全O係將製作人心入面既夢實體化, 我O係戲入面完全感受到佢地既誠意, 好欣賞佢地既成果, 更重要既係我好羨慕佢地能夠將心入面既夢轉化成一個實體, 呈現O係自己同世人既眼前, 供大家欣想~ 多謝你地, 我地先有咁精彩既電影, 多謝你地, 我仲覺得夢係可以變真架~~

大家有興趣既話, 不妨入去戲院感受一下佢地既威力~

舊相重温 - 山西

整番個slideshow 黎睇好似好feel o的~~ ^.^

更新我的近況~

最近自己身上真係發生左好多事,
屋企又發生o的唔如意既野,
工作又遇到兩難既決擇,
身體又病左一排, 搞到係咁食藥,
所有加埋真係搞到我透不過氣~

就係咁, 我就成日o係度諗, 真係好想離開香港, refresh 一下自己, 咁o岩呢段時間, 有唔同既friend 去左唔同既國家, 有o的想去探佢地同順便义一义電~ 台北? 美加? 定係自己死去西藏好呢? 都有o的掛住三亞既陽光海灘既..


不過今日有o的好轉, 工作上既煩事已經開始明朗, 今日亦都同老細(jeff)講左最需要講既野. 心情鬆左少少, 但係都總係有o的唔自在, 好似浪費左佢既時間心機咁.. 不過倒轉諗, 我要尋找我既夢想既話, 冇其他時機比當下更好, 所以我只可以自私o的啦..
不過講真, 就算同佢做唔到老細下屬, 我都希望可以同佢交個朋友, 可以話係因為我欣賞佢, 亦都可以話我妒忌佢, 總之我覺得我同佢應該會係o岩傾o固隻啦~
阿mike 都係, 想同佢keep 住朋友關係, 主要係因為佢係一個型仔中坑, :p 好難揾架, 又夠幽默, 做野又夠認真, manager 中既典範!

哈, 講到世界盃, 真係唔話自己黑仔都唔得, 到宜家已經捐獻左過百港元俾馬會做慈善, 仲要睇親o的波都係開細, 自己唔中之餘仲要冇入波睇.... 反之阿yo 姐就買三場波膽中左兩場, 仲有o固場都要去到八十幾分鐘先炒, 真係旺到爆~