Monday, April 16, 2007

尋根

清明番去鄉下掃墓, 見下o的好耐冇見既親戚, 雖然大病一場, 但係都覺得開心, 因為已經好耐冇番過去, 見到先人既地方雜草叢生, 心入面都有o的唔好受, 所以今次叫做番o的野, 都係好既, 加上又可以見下福州既親戚...雖然飲大左, 但係都係一件開心既事~~

以往有時都會諗下, 自己個家族既歷史係點既, 究竟我地同項羽有冇關係呢? 有時識o的新朋友, 佢地都會咁問, 所以都會好奇. 就o係今日, 屋企竟然出現一本 "族譜" !!! 話說係福清鄉下o的鄉親遠赴 浙江等地追尋家族根源, 收集資料後所編成的. 雖然我未詳讀內容, 快讀幾頁已見有項羽, 項梁等名字, 雖然未清楚來龍去脈, 不過都覺得好有趣, 唔通我地同項羽真係有o的血緣~~哈哈, 等我研究研究先, 下回分解~~